geceadi@gmail.com
|
geceadi@gmail.com |
|
|
|
|
بيرلر شعر دفتری راسيم قاراجا
کؤچورن: سيد حيدر بيات یاییملایان: www.Royalar.org ---------------------------------------- Birlər Şeir daftəri Rasim Qaraca ----------------------------- Ərəb ABC sinə köçürən: SEYYİD HEYDƏR BƏYAT yayımlayan: www.royalar.org Təbriz Qiş-2007
کؤچورندن: عؤمرومده بیر یول شعر تنقیدی یازیب سونرا مین بیر یول پئشمان اولموشام. اونا گؤرهده راسیم قاراجانین دفترینه بیر تنقیدچی کیمی یاناشماق ایستهمهییرم. راسیم قاراجا قوزئی آذربایجاندا بیر شاعیر اولاراق هاردا دایانیر و هابئله گؤنئیده بو حاقدا نئجه دوشونمک اولار؟ سورغوسونا جاواب وئرمک تنقیدچیلرین بوینونادیر. البته تنقیدچی ده تاپسانیز منیم سیجاق سلاملاریمی اونا یئتیرین. نه ایسه بو دفتر حاقدا یالنیز بیر شئی دوشونورم. یانی ایلک دؤنه اونو اوخویاندا بئله بیر دویغو ال وئردی منه. ایللر بوندان اؤنجه واقیفین شعرلرینی اوخویاندا رحمتلی حمید محمدزاده اؤن سؤزونده بیلمهییرم کیمین دیلینجه یازمیشدی: «واقیفی اوخومادیم ایچدیم.» راسیم بهیین شعرینی اوخویاندا بئله بیر دویغو منه ائل وئردی. یانی شعرلر چوخ آخیجیدیرلار. مندن بو قدر. سایغیلاریملا قوم قیش 1386 بو کیتابین کؤچورمهسینده کؤچورن پروگرامینی قوللانمیشام و داها سونرا بیر سیرا روسجا سؤزجوکلرین آچیقلاماسیندا صمد بهی پور موسوی دن یاردیم آلمیشام. * گؤزلریمه یاخشی باخ گؤر بیر اورادا نه قدر اوچوروم وار
* گؤزل قادین آیاقلاری نین یاخینلیغیندا خزللر بیر آنلیق آیاق ساخلادی
* مورککبیم قورتاردی هاوام چاتمیر
* قوی بورادا بو کوچه ده بو ائوین تینینده هم قارانلیق اولسون، هم ایشیق
* اووولوب الدن گئدیر ائویم ایچریدن سؤکور اونو بیر کوچه ماهنیسی
* قاچقینلار کوچهسینده تکرلی ائولر...
* پاییز پالاتاسیندا داها بیر یارپاق دوشدو
* دریسینی سویوندو سرخوش قادین ردد اولسون شاعیرلر و هر جور ویزیلدایان شئیلر
* کولک اسیر بیر عؤمور ویییلداییب سونرا دا اونودولماق
* عزیز هم وطنلریم، دووشانلار، صاباحیمیز نئجه اولاساق؟
* یاشیل ماوی قونور آددیملاریم
* شاعیرلر بالاجا آللاهلار دونیا یئنیدن قورولمالی…
* جاوان اوغلان یورتور قشنگ آیاقلارین آرخاسینجا صاباح اونو نه گؤزله دییینی دوشونمه دن
* دیققت دیققت: دانیشیر درد!
* خسته خانا بیناسی تیتره دی یئر تپرهمیندن یئتیشمیش خسته لر لاس-لاس دوشدو تورپاغا
* یوک ماشینی یوک ماشینی نین آرخاسیندا چینار چینارین آرخاسیندا بولود بولودون آرخاسیندا آی - نه ساده عؤمور یاشاییریق وای
* توفنگین سویوق لولهسینه توخونورام اللریم یادیرغاییب بو دمیری
* شیر قیزی پارچالادی ایچیندن نار دنهلری تؤکولمهیه باشلادی
* مسجیدین گونبذینه قونموش گؤیرچین اوچوب گئتدی مسجید یالقیز و کیمسه سیز گؤروندو. آللاه، بو نه ایشدیر؟ !
* قامیشلاری یارا-یارا گئدیریک ساپ-ساری آیا دوغرو – نه قامیشلیق قورتاریر نه ده بیزیم آی ایشتاهیمیز
* آغ دیشلر آپ-آغ دیشلر اتلی دوداقلار آراسیندا جاغ دیشلر
* ایلاهی بیر سبب سال مطبخده قاب یویان او قادینین دوداقلاری قاچسین
* گئجه کئچیر قادین اوشاق و قاز پیلتهسی یوخودا
* آللاها اینان چونکی آرتیق باهاردیر
* اوه، پاریس! من سنی گؤرمه سهمده بیر شئیه اینانیرام – جاوانلیق قاییداجاق و حبسخانالار دا اوچولاجاق
* کاش کور داشایدی یارییا قدر سو ایچریسینده قالان ائولره باخماغین بیر آیری لذتی وار
* دنیز، گونش و من بیر ده ساپ-ساری بیر ال-اوز دسمالی
* اورگینده گیزلی بیر سئوگیلین وارسا دوداقلارین اونون آدینی پیچیلداییر، گؤز قاپاقلارین یومولاراق بو چیرکلی دونیانی سندن آییریرسا دئیین واغزالدا گئجله مگین نهیی پیسدیر؟ (واغزال: قاتار دوراغی) * بیز تزهجه یاشاماغا باشلایاندا ایسه عؤمور البتته سونا یئتهجک
* هر گون بیر یارپاق دوشور بعضن ده ایکیسی
* بیاض رنگ اوستونده قارادان باشقا بیر شئی دئییل قادین کیم نه دئییر دئسین
* بالیق گؤزلریمله باخیب گؤردوم کی…
* گؤزلری قاپاندی مئهریبان پیچیلتیلارین اللری تیتره دی ان یاخین بیر دوستون
* کیمسه ایشیغی سؤندوردو تنهالیق کوچه قاپیسیندا اولاییر
* اؤنومده جان وئریرسن منسه سنی اؤپورم
* اومیدسیزلیگین آرخاسینجا سیگارئتیم سؤنور
* باهار سونا یئتیر چایخانالار باغلانماق اوزره دیر ان گؤزل گونلر آرخادا قالدی
* پاییزین گریلمیش بارماقلاری پیانونون دیللرینه توخونور پاییز قورخولودور
* اوتوروب دوستلار آراسیندا – کولهیین یاغیشین قارین دادلی بیر سیگارئت چکمک قارشیسیندا پوچ اولموش آرزولارین
* گونباتانا باخیب غریبچیلییین نه اولدوغونو دوشونورم غوربت حاققیندا بیر فلسفه کیتابیدیر سانکی گونباتان
* من بو حیات قارغاشاسی نین سونوندا هر کسین یووارلانیب گؤز یاشینا دؤنمه سینی ایستیرم
* آتان اؤلدو دئمک اؤلومله بیره-بیر قالدین
* جییر قانی ایله بولاشمیش بورادا قیرمیزی آخشام اوستولر
* بیزدن یوز سطیر سونرا…
* بیزیم نغمه میز توند اولاجاق – اوتوز ایل سراسر کدرله دولو بیر اورکده بسلنن نغمه لر توند اولمالی باش گیجللندیریجی آجی سئوگیلریمیز وار
* کئشکه سنی سئومه سه یدیم اوجوزلاشماسایدی ایچیمده کی تنهالیق
* کیمسه سیز اولماق داها یاخشیدیر باهار سونرا یاخینلاشدیقجا
* قوجاغیندا اومیدسیزلیک اوزونده چات-چات اولموش جاوانلیق بیر قادین
* مکتوب یازیرام آما هئچ کیمسه یه هئچ کیمسه یه
* باخین آرتیق حیاتدا یوخام بو دا بوتون ایتتیهاملارینیزا ثوبوت
* پنجرمده بوز توتدو «آرتیق سنین دئییلم» پیچیلتیسی
* سیقارئتیمین کؤزونو یئللهدهرک آداملارا سالام وئریرم سانکی بو اوزون ایللرین یئکونو قارانلیق آوقوست گئجه سی نین سسسیزلییی ایچینده تانینماز اولماق ایمیش
* گؤزوندن آخان او بیر داملا یاش قلبیمین شوشه سینده هله ده
* منیمله کول قابی آراسیندا بیر قادینین فوتوسو
* سئوگییه اینانیرام نئیه سینی سورما سادجه اینانیرام
* بالیق کیمی آغزیمی آچیب-یوماجام بو دا منیم سون سؤزوم اولاجاق
* «اوتوردوغوم یئرده گؤزلریمدن یاش گلیر» دئین آدام دردلیلرین ان دردلیسیدیر
* قولونو سویا آتسان اگر بالیق اولوب اوزهجک
* گئتمه دن تئلئفون ائدیب حال-احوالینی سورماق قدر بو دونیادا قالماق وار
* ائولرین دامینا باتان بو گونش اونا گؤره گؤزلدیر کی، هئچ بیر شئی سوروشمور
* قان ایچریسینده بیر مملکت وار ایچ دیوارلاریندا گؤزلریمین
* آلنیما نه یازیلدیغینی بیلمیرم آنجاق گؤزلریمه سن
* هئچ بیر شئی سؤیلهمهدن اللری جیبینده سوروشوب گئتمک وار حیاتدان
* غوربت او دونیا کیمی بیر یئردیر بورادا اینسانی یاشادان اوراداکیلارین دوعالاریدیر
* منه قاناد وئریرسن آیاقلاریمی کسمه
* گونش چیریل-چیلپاق قوملار اوزهرینده ماوی دنیز مایوسوندا
* اوتوروب شعر یازان اؤلونونسه شوبههسیز اؤز فلسفه سی وار
* یاشلا دولو بیر جوت گؤز اولدون آرتیق
* بوش ظرفین ایچینده بیر آز تسللی
* قوشلارین قانادلاری وارسا بیزیم ده گؤز قاپاقلاریمیز
* طالئعی ایله باریشمامیشلاردان طالئعی ایله باریشمیشلارا
* بو میصراعلاری یازیرام سانکی جییهرلریمی چیخاریب شوعار ائدیرم
* بو قدر اوزودؤنویون آراسیندا سنه دوست دئمک سنی ساتماق کیمی بیر شئیدیر
* باهاری گئری فیرلات اللرینی هاوادا اوچورت
* هر کسین بختور اولدوغو بو شهر منیمچون کیمسه سیزلیک آبیدهسیدیر
* کورهیینه ساپلانان بیر دوست پیچاغیندان قییمتلی نه وار دونیادا
* باهار گلدی چیچکلر آچاراق آریلاری کافیرلییین داشینی آتماغا چاغیردی
* پئنجهییمین جیبیندن بیر اوووج توم قابیغی تاپدیم اونلاری هاوایا فیرلادینجا قلبیمی حسرت بورودو
* بورادا بو آیریلیق واغزالیندا قاتارا مینمک رئلسلره سریلمک کیمیدیر (رئلس: دمیر یول - ریل)
* شاعیرین قلبینده سؤزلر قوم تپجیکلری کیمیدیر گاه ایضطیرابدان گاه دا سئوگیدن بو قوم تپجیکلری سپلهنیر یئر اوزونه
* دنیزه بنزه دیرلر ماوی گؤزلری حالبوکی قونور گؤزلرین ده سویو دوزلودور
* نه قدر بایاغی و اورک بولاندیریجی گؤرونسه ده من اؤزوم حاققیندا دوشونورم (بایاغی: دودورقایی، اؤزگه، غریب)
*
|
