|
geceadi@gmail.com |
|
Nigar Xiyavi / Şeirlər- Yıxılmasın Evin Səttarxan! |
|
+ Şeirlər:
ييخيلماسن ائوين ستارخان!
بوگونلر ستارخان سطير- سطير سيلينير تبريزين توركلويوندن آز قالميش چوخلوغو آز-آز آزالير چوخ گؤرونور دييهسن تاريخين اَينينه تاريخده چوخ گؤرونن گؤرونتوسو تپه گؤزون گؤزو آتيليب چيخير تپهيه گؤزو او بويدا گؤتورمهيير گوجو او آغيرليقدا چاتيشمايير ستارليغا چكيليشير لاپ باشا دار ميللهنير ميللي سردارليغا تبريزين ائوي اوشاق دئييل كي ريز- ريز ييخيلا يا ييخيلا- ييخيلا بؤيويه تبريزلييي كرپيچ- كرپيچ بورخولا بوشاليب يوخ اولا نقشهنين ياخاسيندان سنگريني استيتار ائله ستارخان يوخسا بوردا تاريخ جوغرافياني بولدئزرلرين نيرهانيري يازار دا، پوزار دا صوفيان سيمانيندا سيللهيله بئتون تراپي ياپيلار سنه سندهكي تاريخه چوخ چوخ چوخ مرتبهلي گؤبهلك بينالار بيردن بيره استيتار چتيريني آچار آغرييان باشيوا آغيلا ناغيلا سيغمايان اويون اوچار باشيوا مندن دئمك ستارخان! سنگريني استيتار ائله
اركين ده قولاغيندان توتوب ياواش ياواش اكيرلر مصلا دالينا دالدالاييب ديبردينين داغيتسينلار ياواشجانا بوگون صاباح گؤرهجكسن رئكلاميني اوتاق بويدا بيلبوردلاردا گؤرهجكسن چارراهلاردا اميرهقيز نه تانيير كيمدي اميرخيز كؤپكاوغلو كي دونيانين گوناورتالاشان چاغيندا قيزليغيندان توركلويونو گؤزگورهتي گؤتوردو ساللاخانا داشينيب مصلايا ساللاندي دوز ائله او آندان باشلادي باشلاندي اريمك اوتانقاج موم اولوب اريدي ارك اوقدر اوقدر بوشالدي بوشاليندي بو نااميرخيز الينده ارليكدن بيلميرم فشارخونو بيلميرم قان تضييقي يا دا قان باسقيسي يوك يوك يوكسلدي سكته گتيردي ارلييي ارييه ارييه كيمه اركؤيونلنسين ايندي ارك ييخيلماسين ائوين ستارخان بوراسي تاريخلي بولدئزر جوغرافياسي سوْوخايا قالميش ائويني تئز اول استيتار ائله!
Yıxılmasın Evin Səttarxan!
bu günlər Səttarxan sətir-sətir silinir Təbrizin türklüyündən az qalmış çoxluğu az-az azalır çox görünür diyəsən tarixin əyniniə tarix`də çox görünən görüntüsü təpəgözün gözü atılıb çıxır təpəyə gözü o boyda götürməyir gücü o ağırlıqda çatışmayır Səttarlığa çəkilişir lap başa dar millənir milli sərdarlığa Təbrizin evi uşaq deyil ki riz-riz yıxıla ya yıxıla-yıxıla böyüyə Təbrizliyi kərpiç-kərpiç burxula boşalıb yox ola nəqşənin yaxasından səngərini istitar elə Səttarxan! yoxsa burda tarix coğrafiyanı boldezerlərin nırhanırı yazar da pozar da Sofyan simanında silləylə beton trapi yapılar sənə səndəki tarixə çox, çox, çox mərtəbəli göbələk binalar birdən birə istitar çətirini açar ağyıyan başıva ağıla nağıla sığmayan oyun uçar başıva məndən demək Səttarxan! səngərini istitar elə Ərkin də qulağından tutub yavaş-yavaş əkirlər müsəlla dalına daldalayıb dibərdinin dağıtsınlar yavaşcana bu gün sabah görəcəksən reklamını otaq boyda bilbordlarda görəcəksən çarrahlarda Əmirəqız nə tanıyır kimdi Əmirxiz köpək oğlu ki dünyanın günortalaşan çağında qızlığından Türklüyünü gözgörəti götürdü sallaxana daşınıb müsəllaya sallandı düz elə andan başladı başlandı ərimək utanqac mum olub əridi Ərk o qədər o qədər boşaldı boşalındı bu naəmirxiz əlində ərlikdən bilmirəm fişarxunu, bilmirəm qan təzyiqi ya da qan basqısı yük yük yüksəldi səktə gətirdi ərliyi əriyə-əriyə kimə ərköyünlənsin indi Ərk yıxılmasın evin Səttarxan burası tarixli boldezer coğrafiyası sovxaya qalmış evini tez ol istitar elə! |
