geceadi@gmail.com
|
geceadi@gmail.com |
|
|
|
اوچ بارماق (بالاشلیلیلار حیكایه توپلوسوندان) و بو شیدیرغی یاغیش ائله خییاوانلارین قوتور اوزلرینه، تیكینتیلرین اوجا هئیكللرینه، قنوولارین-قالدیریملارین چاتلامیش جدوللرینه و بوتونلوكده شهرین پئیسرینه چیرپدی و چالالاردا قالانیب، گؤل اولوب، داشماغا باشلادی كی؛ احد جاببارزاده سو داملالارینین او پاییز آخشامیندا، تئهران كیمی بؤیوك بیر شهرین بوتونلویونو یویوب آپارماق قصد ائلهدیكلرینی، ظنن ائتدی.
بو بيریلری آمما، کاس دئييللر
سونرا خدجه ننهم بیر دنه شام آلدی. بیلمیرم بیر دنه شام آلدی، یا بیر دنه شام آلا بیلدی. آلدی قوجاغینا منی. اوشاق دئییلدیم، آمما پوک اویدوم یونگول اویدوم. قارنیمدا ائله اوولدن شیشکین ایدی. دؤشلریمسه نارین. سنین دردین خوشدور. بللی دئییل. سس سالمایینجا لال اولدوغونو، کیمسه بیلمیر. یانی کی اندامین سازدیر. منیم کیمی دؤشون آلتدا سوموکلرین اوزه چیخمیر. باخ بیر، بندلرینه کیمی بللی دیر سوموک لریم. قارنیمین شیشی ده بیتیره بیلمیر اونلاری. سن اوشاقسان آمما اندامین ساز دیر. عاددی سن. گؤزل سن. هه! گؤزل سن.
|
