"شَهَر"

شَهر آغلاغان!

شَهر گولش!

شَهر عاديجه بير شَهر...

آياقلانان سيرا داغ­لار اورتاسيندا.

گاه آرخايين،‌

گاه قورخاق.

ائولری خاناـ خانا

ائولری كؤندَ‌لن.

آغاج­لاری تابلو،

آغاج­لاری اعدام ديرَ‌ك­لری.

و داها هر شئيي آجی،

هر شئیی سويوق.

اولدوزلاری ايشيق‌سيز،

قيزلاری ياراشيق‌سيز.

و بيلينمز هانكي قارره‌نين هانكی مملكتی‌دير.

بيز يورغونـ آرغينجا

دومانلی اوفوق­لارینی اوخويوروق!

بيريميز دوغودا شاه!

بيريميز باتيدا مات!

به­به‌نك­لر بولوارلاری باهارلانديرميش،

و بولودلار

  ياغماياجاق كیمی چؤكموش پنجره‌لره.

من قارا سو قيراغيندا

يورغون اوچوشلو بير قوشام!

قاناديمدا ساز،

ديمديیيمده سؤز!

دؤشومده گونشين قيزيل آلماسی!.

حيات، شهرين اوزونده

گوگورت ایله يانديرديغيميز بير سيگاردير.

اؤلوم؛

هر گون ايچيب دويماديغيميز آجی چای.

و عشق

 نه يايلاغی يايلاق،

نه قيشلاغی قيشلاق،

اؤتری بير اوتوراق­دير خيا لدا.

آخ...   

بو جنت!

سککيز قاپی‌سی­نين سککيزی ده باغلی!

 آخ،   

بو جهنم!

قان امیجی تانری­لار اويلاغی!