geceadi@gmail.com

 İsmayıl Cəmili / Şeirlər- Yalanlar

+ Şeirlər:

YALANLAR

Yalaq yalanlar

Alçaq yalanlar

Qorxaq yalanlar

Sırtıq-yırtıq, ağızlarda dolananlar

Qaranlığa boyaq, zülmə dayaq olanlar

Boş boğazlıq ortamında

Yalançılıq bazarında qutsal palanlar...

Sürü-süru sürünənlər

Qaranlığa bürünənlər

Yalanlara öyünənlər

Yalanlara sevinənlər

Göz yumulu yalanları alanlar

Yalanlıqda canlananlar

Yalanlardan aslananlar

Yüz illərin yalan-palan küllüyündə paslananlar

Sevgimizin ulduzların tuşlayanlar

Doğrumuzun ayna bağın daşlayanlar

Doğru yasaq bağıranlar

Bulanığa, qaranlığa çağıranlar

Çağırılmamış soxulanlar

Günümüzə dürtülənlər

Yalanların qutsal qara çarşabıyla örtülənlər

Duyanmazlar çağın ağır-ağır dəyişimin

Silinməzlər irəlişin, incəlişin

Dansalar da doğrumuzun günəşin

Zaman buraxmazdır yalanın peşin

Uluşdan qısırdır yalan satanlar

Doğuşdan ölüdür yalanlar.

یالانلار

یالاق یالانلار 

 آلچاق یالانلار

 قورخاق یالانلار

سيرتیق-ییرتیق  آغیزلاردا دولانانلار

قارانلیغا بویاق  ظولمه دایاق  اولانلار

بوش بوغازلیق اورتامیندا

یالانچیلیق  بازاریندا قوتسال  پالانلار...

سورو-سورو، سوروننلر

  قارانلیغا بوروننلر

یالانلارا اؤیوننلر  

 یالانلارا سئویننلر

گؤز یومولو یالانلاری  آلانلار

یالانلیقدا جانلانانلار

یالانلاردان آسلانانلار

یوز ایللرین یالان تالان  کوللوگونده  پاسلانانلار

سئوگیمیزین اولدوزلارین توشلایانلار

دوغروموزون آینا باغین  داشلایانلار

دوغرو  یاساق    باغیرانلار 

بولانلیغا   قارانلیغا  چاغیرانلار

چاغریلمامیش سوخولانلار

  گونوموزه  دورتولنلر

یالانلارین قوتسال قارا چرشابیله  اؤرتولنار

دویانمازلار چاغین   آغیر آغیر دئییشیمین

سیلنمزلر ایره لیشین   اینجه ایشین

دانسالاردا دوغروموزون  گونشین

زمان بوراخمازدیر یالانین پئشین

اولوشدان قیسیردیر یالان ساتانلار

دوغوشدان اؤلودور یالانلار