Damar

        damla

               damla

                      günəş

                            damarlarıma

sızar dərimin altına

sevda büyüsü

yuxulu bir gülün qızdırmasından

mən,

didərgin gözlərimi qəfəs bağlaram

                                                   içində sən!

Aaax qaraçı qadın

öyrətsəydin gözlərimin qapaqlarına açılmamağı!

Əyilər günəşin başı boynuna

üzü beş boyanın birləşimində

çəkilər qızdırması qızıl gülünün

açılar qapısı qəfəsin

                         gözlərimi açdıqda

                                                    "buraxsan tutacaqsan

                                                     tutsan buraxacaqsan"

Aaax qaraçı qadın

açsaydın sevginin bu son gizini!

Sən

öpüş dadan şirin bir salam

ayaq səsimə açılan

taxta bir qapının somutluğundan çıxarsan

səssiz

daşdöşəkli uramlarda görüşər baxışlarımız

                                                                  yenidən

damar

         damla

                 damla

                         damar

                                 damarlarıma

                                                  günəş.....