سنین ساچلارین عوصیان بایراغی دیر

اینقیلاب جیسارتی باغیشلاییر اورییمه

سئودا فاکولته­لرینده دؤیوش اؤیرتمه­نی دیر

باغلی قاپيلارین آرخاسیندا سیاست­چی­لرین

دیز چؤکدویو چاغدا.

خییاوانلارین آزادلیغا اوزانان الی دیر

مدنییته یوروین آیاغی.

تانرینین آووجودور آچیلمیش یئر کوره­سینه

شیطاندان اوغورلانمیش آس ورقدیر

یئره تیکیر بیزی.

بئله ايسپيريله بویالی اولسادا

بئله حسرتله دولو اولسادا

تبریز کوچه­لریدیر

دلی­لیک گزدیریر رؤیالاریمدا.

سؤزلوک کیمی یئرلشدیره بیلیر

" ساواش" و "سئوگی"­نی بیر صحیفه ده.

منیم مانیفستیم دیر سنین ساچلارین

آیدینلیق دیر  سَپيلير  شعرسل­لیییمین دالیسیجا

سوزولور آغ کاغیذلاریمین یاناغینا.

سنین ساچلارین آلقیشلانیر سالونلاردا

بوغازلاردا باغیرتی یا چئوریلیر

دؤیوش­لرده سیلاحا.

آما نه اولار(؟!)

چک اؤرتویونو گولوم

گیزلت ساچلارینی

آخی توخونور ایگیتلیییمه گولَن ساچلارین

توخونور ایگیتلیییمه...