geceadi@gmail.com

 Dalğa xatınoğlu / Şeirlər- Sonulur Süleymanoğlu için

+ Şeirlər:

Sonulur Süleymanoğlu için

Adımı sorsanız,

Mənim adım Heç Kim

Günəş kölgəsi də deyə bilərsiniz əfəndilər

Bəri bax, bəri

Gözlərinizə göstərdim bütün görəməzlikləri

Qulaqlarınıza bağırdım bütün eşidəməzlikləri

Şeir fəlsəfəm olmazınlar üzərində qurulmuş

Ha belə birdə,

Ürək sözüm yazmadığım şeirlərdə

Adımı sorsanız

Mənim adım Heç Kim

Sukutun səsi də deyə bilərsiniz əfəndilər

Haqqınızı yedim doğrudur

24 il artıq yaşadım

danmıram ki

180 sant artıq dikəlmişəm

kəsin hər yerimi sizin olsun

danmıram ki

60 kilo artıq kökəlmişəm

kəsin ətlərimi sizin olsun

sümük kimi sızladığım

ürək kimi göynədiyim yetər

ha belə birdə

hırsımdan dırnaqlarımı bıləklərimə qədər çeynədiyim yetər

adımı sorsanız

mənim adım Heç Kim

su ləkəsi də deyə blərsiniz əfəndilər

Əyilib gözlərimin içinə baxıam,

Yalanlarımı çıxarmaq için

axı,

hanki ölü mənim kimi yata bilər?

Yatdım da büsbütün

Hanki fahişə ürəyini də sata bilər?

Satdım da büsbütün

Hanki dəli mənim kimi qata bilər?

Qatdım da büsbütün

Saqın aldanmayasan ha!

Kövrəlmə göz yaşıma

Gizlicə gülməyim gəlir

Burax məni tək başıma

Bu gecə ölməyim gəlir

Adımı sorsanız mənim adım Heç Kim

Şeytan nütfəsi də deyə bilərsiniz əfəndilər...