|
Aydaş Dəlisel /
Şeirlər- yunus balığı |
|
+
Şeirlər:
یونوس بالیغی
سنی سئل لرین
آغزیندان
آلاجاقدیم لاپ،
بیر دولفین کیمی،
آما
قاپساندیم دورغون
گؤل لره،
بیر دنیز اولدوزو
کیمی
یاندی گؤزلریمین
ایچی هر گون
یاندی اوره ییمین
ایچی هرآخشام...
آکواریوملارا
سؤیکه دیم اوزومو،
گؤوده م ده یدی
جاملارا...
سنی سئل لرین
آغزیندان آلانمادیم
آه... باغیشلا
آنا...
بیر گول دسته سی
کیمی
سوووردوم گئتدین
سویا...
من آیا عاشیق
پنجره لرده
سنسه سئل لره
آما، آما...
آنام سولار آخاجاق
بیر گون
زامانلار بویدا
سولا.
منی ایچینده
بولاجاقسان یئنه
بیر کؤرپه بالیق
کیمی!
بیر کؤرپه بالیق
کیمی
دوغولاجاق
یوخولار...
آما دنیزلییینی
قورویاجاغام بیر داها گره ک.
بیر دنیز اولدوزو
کیمی
یاناجاغام
باغریندا ببک-ببک...
یاندی گؤزلریم
بئله جه
پنجره لر
آردیندا
آنا.
آیا باخدیم اولدوز
گؤزلریمله
سن یوخدون آما
یانیمدا...
سنی سولار داشیدی
گئتدین
منسه هر گئجه
چکیلیره م آیا...
اینان کی فرعون
لار بئله
آنمادان ایکیمیزی
آنا
بیرسبد ده اوتوروب
بوتون نیل لری
ییرتا - ییرتا،
اویا-اویا
سنین بطنینه دولا-
دولا قاییداجاغام
و بیر حیات چیچه
یی کیمی
آلاجاغام سئل لرده
ن سنی...
گنج لیییم یانسادا
اولدوز تک
فیرتینالاردا،
اینفارکت لارا،
دنیز اوغرولارینا
یئییلسمده ،
اودولسامدا!!!
بیر گون سنی
سئل لرین آغزیندان
آلاجاغام گولوم،
اینان!
آنام...
آنام...گله جه یم...
سنه دوغرو گله جه
یم... اینان... اینان...
"بیر یونوس بالیغی
تک..."
