geceadi@gmail.com
|
geceadi@gmail.com |
|
|
|
|
گؤزلرينين ايچيندن سسلهدي قيزيل قوش مني گؤزلرينين گيلهسيندن باشلاندي قانادلي يوللار قيزيل قوشون قانادينا سيغينديم قالخديم قارا چنه بوٍرونموش ديلكلر اؤلكهمدن قانادلي يول لارلا ان اوجاليقدان يالين اللرينده تورپاغا قوندوم اوفاق اللرينده بير سيخما وطن تورپاق دنيزيمين سوْن داملاسيايدي. گؤزلرينين ايچيندن باشلاندي گؤيلوك ماوي گؤزلرينده تورانا دالديم عصيرلر قاتيندا ماوي لشيركن اسكي اويلاغيمین دولانباج ليغي دَدهميز قورقودو يانيندا گؤردوم گوٍلومسر گؤزوندن الينه چؤكدوم سيزلاديم: «اللرين نه قدر شيرينميش دَده» اَييلدي ماوي اللريندن قالديردي مني آتا سئوگيسيله سنه باخيردي اولمايا اللري هله بوْز ايكن بارماغي ديرناغي دامارلاريندا آخيشان گؤي سوْيلو قاني ماوي لشمهدن قورقود آديني سن اونا وئردين؟ ختايي بابامي بير الده قلم بير الده قيلينج بوسبوتون وارليغي ياشيل آيهيه قول ياراتماغا سنمي دؤيوشلره گؤندهرين؟ آرخاسينجا گؤزلريندن سوٍزدورهرك ياش داملاسيني دنيزلرين قيسقانجينا نئيلهدين؟! بودور گلير قيلينج سس لري قيزيل باش نعرهسي قانلار فيشقيرير اوردولار يئنيلير گؤزلرينين مئيدانچاسيندا بوز آتلار كيشنهشير مئيداني تك باشينا دولانير كوراوغلوسوز قيرات باري پاشالار يوٍيرهك آت لارا دا قمچي چالماسين! آمان نازلي باجيم! اوفوقلره دوغرو چاپان قيرات لارا گؤزلري نين گؤلمهجيندن گؤيلوك ايچيرت! و گؤزلرينين دوغوسوندا باتان گوٍنش لره سؤيله داريخماسين لار بيز هله گئجه قوشلارينين كيفير آلنينا سوْن قيريشيمیزي هوْپدورماميشيق! دؤشلرينين اؤروشونده جوجهرمهيه حاضير قار چيچكلرينه بويور! دؤزسونلر بيز هله سوْن تكمچي ميزي ان اوزاق كنديميزه گؤندهرمهميشيك و ده باخيشيندان يئني بيچيمده تام باشقا بويادا فيشقيرماغا حاضير، اولو دان لار تلهسمهسين گؤزلرينين دوغوسوندا باتان گونش لرين آل قاني قحبه گئجه قوش لارينين پؤرتموش گؤيوسونده دوستاق دير و بيز ساوالانين گريلميش سينهسينده قرنفيل چيچكلريني درمهيه دوغولموشوق بير ده كي او ايیرنج ممهلردن دوستاق گوٍنش لرين ايرينه دؤنموش چيبان ياراسيني اممهيه ديرچلميشيك گؤرهن اؤزگورلوك سودونه يانقيلاشان ايلان ديليميزله يارانيش نه بيچيم باشاراجاق؟ گؤزلرينين ايچيندن قيـ ي ي ها سسلهينده قيزيل قوش مني قوزو رؤيام قوردلاشماغا ملهدي مره نازلي باجيم! بيز سنين گؤزلرينده پاريلدايان ماس ماوي جوٍت گيلهنين عشقينه قوزغونلارين اؤلوم قوخولو گؤزلريني تپهجيكلره چوخ گؤرمهيه گلميشيك! و آند اولا گؤزلرينين اوغورلانميش گؤيلويونه بيز بير باهار شئيطانلارين يام ياشيل گيلهلريندن چاغالانين نوباريني دَرهجهييك! گؤزلرينين چوخوروندان قيـ ي ي ها سسلهينده قيزيل قوش مني تانري ديكسينمَدي كي؟ تانري بو بايير وارليغين باغرينا سوزه ن زينه باخيشينين سرينليیينده چيمير قورتاريش گؤزلرينده گيزلهنيب مندن دئمك اؤز گؤزونه نئجه سجده ائتمهيي ده اؤزون بيلرسن! |
