geceadi@gmail.com
|
geceadi@gmail.com |
|
|
|
|
اورادا او دؤنومده ایکی زیبیل داشقاسی اؤنومده چوروموش، یاشلی ایکی زیبیل داشقاسی ساری کؤینکلی کیریمیش، سویوق دستکلی؛ سوپورگه سی پارچالانمیش دَیرسیز بوراخیلمیش ایکی زیبیل داشقاسی. او دؤنگه سون دؤنوم خزل لر آرتیست آددیم لار یؤنتمن یاشام ائکران اولور بؤلوم- بؤلوم.
«او دونگه سون دؤنوم» آدلی بیر بؤلوم: من ائکراندایام اوره ییم خزل قوخوسو توپورجه ییم غوسل ائدیر اونو آیاق قابیم کؤکسومدن بیتیریر یولو چوکدورور دیزلریمی سونسوز بیر سئکس زورو، خزل سویونور منیم کؤکسومده من ائکراندایام اینان! قالدیریم لار تاققا- توق دینله دیر بونو؛ «او دونگه سون دؤنوم» بورادا گئجه ده سئن ده آدلی بیر بؤلوم. . .
اورادا او دؤنوم بیریسی، ایکی زیبیل داشقاسیندان دینله ییر اؤلوم گوندوزلر شهوت شیرنه شیر دوووارلارینا گئجه لر قوخو قوورولور صاباح لارینا اورادا اودؤنوم بیریسی بئل باغلاییر اوزاقلارینا بیریسی اودور بلکه! ایکی زیبیل داشقاسی، بیریسی اودور بلکه اورادا بئل باغلاییر اوزاقلارینا. . . اورادا اودؤنوم، اینتحار دؤنمی آشمیش ایکی زیبیل داشقاسی قاچمیش سوپورگه چی عمی قورتولموش بیر فنر ساعاتدان قیریلمیش پاندولدان، زامان بورونموش خزلدن مکان «یاشاییش» وان- تو- تری اکشین! باشلانیر یاشام اوووج- اوووج پیلاکارد خی...ش، خیش، خیشیلتی لار آلقیش؛ خزل آددیم لار کؤکسوم اؤپوش- اؤپوش بدن- بدنه ائکران. . .
اورادا او دؤنوم بیریسی ایکی زیبیل داشقاسی اورادا او دؤنوم اینتحار دؤنمی آشمیش قاچمیش قورتولموش قیریلمیش بورونموش داشقا عمی ساعات زامان مکان دایان!... دایان!... كات!.. |
